ఆవేశపరుడినే అవినీతిపరుడు కాదంటున్నమోహన్ బాబు..
- IndiaGlitz, [Thursday,April 07 2016]
విల‌క్ష‌ణ న‌టుడు మోహ‌న్ బాబు త్వ‌ర‌లో రాజకీయాల్లోకి ప్ర‌వేశించ‌నున్నారు. ఈ విష‌యాన్ని స్వ‌యంగా మోహ‌న్ బాబు మీడియాకి తెలియ‌చేసారు. తిరుప‌తిలోని విద్యానికేత‌న్ విద్యా సంస్థ‌ల్లో మోహ‌న్ బాబు మీడియాతో మాట్లాడుతూ...పేద ప్ర‌జ‌ల‌కు జ‌రుగుతున్న అన్యాయాన్ని పేప‌ర్లో చూసి ప్ర‌తిరోజు బాధ‌ప‌డుతుంటాను.
మ‌న‌కెందుకు అని ఊరుకోవ‌డం క‌రెక్ట్ కాదు. అందుక‌నే మోహ‌న్ బాబు అంటే ఏమిటో తెలియ‌చేయ‌డానికి త్వ‌ర‌లో రాజకీయాల్లోకి వ‌స్తున్నాను అన్నారు. తాను ఆవేశపరుడినే త‌ప్ప అవినీతిపరుడు కాద‌న్నారు. ప్ర‌స్తుత ప‌రిస్ధితుల్లో రాజకీయాల్లో జంపింగ్ లు ఎక్కువ‌య్యాయి. పార్టీలు మార‌డం అంటే ఎంగిలి మెతుకులు తిన‌డంతో స‌మానం. నాయ‌కుడిని న‌మ్మి వెళితే ఐదేళ్ల పాటు ఆయ‌న వెన‌క ఉండాలి. నాయ‌కుడి తీరు న‌చ్చ‌క‌పోతే ఎమ్మెల్యేగా రాజీనామా చేసి ప్ర‌జ‌ల్లోకి వెళ్లాలే త‌ప్ప పార్టీ మార‌కూడ‌దు అన్నారు. తాను ఏ పార్టీలో చేర‌బోతున్నాన‌నేది త్వ‌ర‌లో ప్ర‌క‌టిస్తా అన్నారు.