మ‌హాన‌టి సావిత్రి జీవితం ఆధారంగా రూపొందుతున్న చిత్రం మ‌హాన‌టి. టైటిల్ రోల్‌లో కీర్తి సురేష్ న‌టిస్తుండ‌గా.. ముఖ్య పాత్ర‌ల్లో స‌మంత‌, విజ‌య్ దేవ‌ర‌కొండ‌, దుల్క‌ర్ స‌ల్మాన్‌, ప్ర‌కాష్ రాజ్‌, షాలిని పాండే త‌దిత‌రులు న‌టిస్తున్నారు. ఎవ‌డే సుబ్ర‌మ‌ణ్యం ఫేమ్ నాగ అశ్విన్ ద‌ర్శ‌క‌త్వంలో వైజ‌యంతి మూవీస్ సంస్థ నిర్మిస్తున్న ఈ చిత్రంలో మ‌హాన‌టుడు ఎస్వీ రంగారావు పాత్ర‌ని మోహ‌న్ బాబు చేస్తున్న‌ట్లుగా వార్త‌లు వినిపిస్తున్నాయి.

అక్టోబ‌ర్ చివ‌ర‌లోగానీ న‌వంబ‌ర్‌లో గానీ మోహ‌న్‌బాబుపై ఉండే స‌న్నివేశాల‌ను చిత్రీక‌రిస్తార‌ని వార్త‌లు వినిపిస్తున్నాయి. సినిమాలో ఈ పాత్ర కొద్దిసేపే ఉంటుంద‌ని స‌మాచారం. ఎస్వీఆర్‌ పాత్ర‌కి మోహ‌న్‌బాబు న్యాయం చేస్తార‌న‌డంలో ఎలాంటి సందేహం లేదు. మొత్తానికి ఆర్టిస్ట్‌ల ఎంపిక‌లో మంచి మార్కులే పొందుతోంది మ‌హాన‌టి చిత్రం. ఇంకా ఈ లిస్ట్‌లో ఎవ‌రెవ‌రి పేర్లు చేరుతాయో చూడాలి. 2018లో మ‌హాన‌టి ప్రేక్ష‌కుల ముందుకు రానుంది.