இந்திய கிரிக்கெட் அணியின் பந்துவீச்சாளர் ஷமியின் மனைவி ஹசின் ஜஹான் சமீபத்தில் தனது கணவரின் மீதும் அவருடைய குடும்பத்தினர் மீதும் திடுக்கிடும் பல குற்றச்சாட்டுக்களை கூறினார். ஆனால் அந்த குற்றச்சாட்டு உண்மையாக இருக்க வாய்ப்பில்லை என்றே பலர் கருத்து கூறி வருகின்றனர்.

ஷமியின் மனைவி ஹசின் ஜஹான் தனக்கு நடந்த முதல் திருமணத்தையும் தனக்கு ஏற்கனவே பிறந்த இரண்டு குழந்தைகளையும் மறைத்து, ஷமியை திருமணம் செய்துள்ளதாகவும் தற்போது திடுக்கிடும் தகவல்கள் வந்து கொண்டிருக்கின்றன. மேலும் தல தோனி, 'ஷமி வீட்டுக்கும் நாட்டுக்கும் துரோகம் செய்பவர் அல்ல என்றும், அவரை எனக்கு நன்றாக தெரியும் என்றும் சர்டிபிகேட் கொடுத்துள்ளார் என்பதும் குறிப்பிடத்தக்கது

இந்த நிலையில் தனக்கு உதவி செய்யும்படி ஹசின் இன்று மேற்குவங்க முதல்வர் மம்தாபானர்ஜியை சந்தித்தார். இந்த சந்திப்புக்கு பின் வெளியே வந்த ஹசினை செய்தியாளர்கள் புகைப்படம் எடுத்தனர். ஒரு போட்டோகிராபர் ஹசினின் மிக அருகில் சென்று போட்டோ எடுத்ததால் ஆத்திரமடைந்த அவர் அந்த பத்திரிகையாளரின் கேமிராவை வாங்கி உடைத்தார். ஹசினின் இந்த செயலுக்கு பத்திரிகையாளர்கள் கடும் எதிர்ப்பு தெரிவித்ததை அடுத்து அவர் தற்போது மன்னிப்பு கேட்டுள்ளார் என்பதும் குறிப்பிடத்தக்கது.