అటు దుబ్బాక విజయం.. ఇటు జీహెచ్ఎంసీ ఎన్నికల్లో సత్తా చాటిన బీజేపీ రాష్ట్ర నాయకత్వానికి ప్రధాని మోదీ, కేంద్ర హోంమంత్రి అమిత్ షా అదిరిపోయే గిఫ్ట్ ఇవ్వనున్నట్టు సమాచారం. అసెంబ్లీ ఎన్నికల సమయానికి.. ఇప్పటికీ కంపేర్ చేస్తే తెలంగాణలో బీజేపీ భారీగా పుంజుకుంది. ఇటీవల ఎన్నికల్లో సత్తా చాటుతూ ఇక ప్రభుత్వానికి తెలంగాణలో ప్రతిపక్షమంటే బీజేపీయే అన్నట్టుగా దూసుకెళుతోంది. అధికార టీఆర్ఎస్ పార్టీకి వెన్నులో వణకు పుట్టించి.. అధి నాయకత్వం దృష్టిలో పడింది.

ఈ విషయాలన్నింటినీ దృష్టిలో పెట్టుకుని ప్రధాని మోదీ, అమిత్ షా రాష్ట్రానికి మరో గిఫ్ట్ ఇవ్వాలని యోచిస్తున్నట్టు తెలుస్తోంది. ఇప్పటికే కిషన్‌రెడ్డిని కేంద్ర మంత్రిగా నియమించి మోదీ.. కేంద్రంలోకి మరొకరిని తీసుకోవాలని యోచిస్తున్నట్టు తెలుస్తోంది. ప్రస్తుతం తెలంగాణ నుంచి నలుగురు ఎంపీలున్నారు. ఇప్పటికే కిషన్‌రెడ్డి కేంద్ర మంత్రిగా ఉన్నారు. మరొకరిని కేంద్ర మంత్రి పదవి ఇచ్చి రాష్ట్రానికి ప్రాధాన్యం ఇవ్వనున్నట్టు సమాచారం. మరికొద్ది రోజులు ఆగితే దీనిపై క్లారిటీ వచ్చే అవకాశం ఉంది.