டெல்லி சாலையில் சென்று கொண்டிருந்த இராணுவ வாகனம் ஒன்றை இளம்பெண் ஒருவர் மறித்துக்கொண்டு ரகளை செய்கிறார். அவருடைய ஹேண்ட்பேக்கில் இருந்து மதுபாட்டில் கீழே விழுந்து உடைகிறது. இதை அருகில் இருந்தவர்கள் வீடியோவாக எடுத்து இணையத்தில் வெளியிட அந்தக் காட்சி தற்போது இணையத்தில் படு வைரலாகி வருகிறது.

டெல்லி குவாலியர் சாலையில் சென்று கொண்டிருந்த இராணுவ வாகனம் ஒன்றை இளம்பெண் ஒருவர் மறித்துக்கொண்டு அந்த வாகனத்தின் பேணட்டின் மீது அமர்ந்து போன் பேசுகிறார். இதனால் வாகனத்தில் இருந்த இராணுவ வீரர்கள் ஹார்ன் அடித்து அவரை நகரச் சொல்கின்றனர். ஆனால் இதைக் காதில் வாங்காத அந்த இளம்பெண் இராணுவத்தினருடன் வாக்குவாதத்தில் ஈடுபடுகிறார். பின்னர் ஹெட்லைட்டை எட்டி உதைக்கிறார்.

மதுபோதையில் இளம்பெண் செய்யும் இந்த ரகளைக் காட்சிகளை அருகில் இருந்த சிலர் வீடியோவாக பதிவு செய்துகொள்கின்றனர். பின்னர் ஒருவழியாக அந்தப்பெண் சாலையை விட்டு நகர்ந்து சென்றபின் அந்த இராணுவ வாகனம் கிளம்பி செல்கிறது. இந்த விஷயத்தைக் கேள்விப்பட்ட உள்ளூர் போலீஸ் அந்த இளம்பெண்ணை காவல் நிலையத்திற்கு அழைத்துச் சென்று விசாரணையில் ஈடுபட்டனர்.

விசாரணையில் அந்த இளம்பெண் டெல்லியைச் சேர்ந்தவர் என்றும் மாடல் அழகியாக பணியாற்றி வருகிறார் என்பதும் தெரியவந்துள்ளது. இந்நிலையில் இராணுவ வாகனத்தையே வழிமறித்த இளம்பெண்ணின் வீடியோ இணையத்தில் படு வைரலாகி வருவதும் குறிப்பிடத்தக்கது.

A 22-year-old model from Delhi created ruckus in an inebriated state in Gwalior she blocked an army vehicle started vandalising the vehicle, she pushed the jawan started arguing later a woman cop took her to the police station @ndtv @ndtvindia @GargiRawat @manishndtv pic.twitter.com/tdiqZF32EB

— Anurag Dwary (@Anurag_Dwary) September 10, 2021