சென்னையில் நடைபெறும் சிஎஸ்கே மற்றும் கேகேஆர் போட்டிக்கு வரும் பார்வையாளர்களுக்கு நேற்று கடும் கட்டுப்பாடுகள் விதிக்கப்பட்டிருந்தது. இந்த கட்டுப்பாட்டை ஏற்று கொண்டு அப்படி அந்த போட்டியை அவசியம் பார்க்க வேண்டுமா? என்ற எண்ணம் இளைஞர்கள் மத்தியில் எழுந்தது. ஒருசிலர் டிக்கெட்டை எரித்து அதை வீடியோ எடுத்து சமூக வலைத்தளங்களில் பதிவு செய்ததால் பெரும் பரபரப்பு ஏற்பட்டது.

இப்படியே போனால் காலியான மைதானத்தில்தான் போட்டி நடைபெறும் நிலை ஏற்படும் என்றும், அதுமட்டுமின்றி சென்னையில் நடைபெறும் அடுத்த போட்டிகளுக்கு டிக்கெட் விற்பனை மந்தமாகிவிடும் என்றும் கூறப்பட்டது.

இதனால் சேப்பாக்க மைதானத்தின் நிர்வாகம் தற்போது கட்டுப்பாட்டிற்கு ஒரு சிறிய விலக்கு அளித்துள்ளது. அதாவது பார்வையாளர்கள் மொபைல்போனை கொண்டு வரலாம் என்பதுதான் அந்த விலக்கு. இதனால் ஓரளவு ரசிகர்கள் திருப்தி அடைந்திருந்தாலும் பாம்பு பயம் உள்பட பல்வேறு பயங்களை அரசியல் கட்சிகள் காட்டியுள்ளதால் இன்றைய போட்டியை பார்க்க எந்த அளவுக்கு ரசிகர்கள் வருவார்கள் என்பதை பொறுத்திருந்துதான் பார்க்க வேண்டும்