ఎన్నిక‌లు రాబోతున్న వేళ ఎమ్మెల్యే, మంత్రి అనే ప‌దాలు విన‌గానే వాటిని ఆధారంగా చేసుకునే క‌థ‌లు అల్లేసుకున్నారేమో అనే అనుమానం వ‌స్తుంది. ఇక్క‌డ మాత్రం అలాంటి అనుమానం అక్క‌ర్లేదు. ఎందుకంటే ఇక్క‌డ ర‌వితేజ సినిమాలో ఆయ‌న ప‌క్క‌న ఎమ్మెల్యే న‌టిస్తోంద‌ని చెప్పాం అన్న‌మాట‌.

ఇంత‌కీ ఎవ‌రా ఎమ్మెల్యే అంటే.. ఇంకెవ‌రు కేథ‌రిన్‌. 'స‌రైనోడు'లో ఎమ్మెల్యేగా అల‌రించిన కేథ‌రిన్ తాజాగా ర‌వితేజ ప‌క్క‌న న‌టించ‌డానికి గ్రీన్ సిగ్న‌ల్ ఇచ్చింది. ఈ సినిమాను మైత్రీ మూవీ మేక‌ర్స్ నిర్మిస్తున్నారు. 'కందిరీగ‌' ఫేమ్ సంతోష్ శ్రీన్‌వాస్ ద‌ర్శ‌క‌త్వం వ‌హించనున్నారు.

యాక్ష‌న్ ప్యాక్డ్ క‌థ‌తో ఆయ‌న ఇటీవ‌ల ర‌వితేజ‌ను మెప్పించ‌డంతో ప్రాజెక్ట్ ఓకే అయింది. ర‌వితేజ ప‌క్క‌న లావ‌ణ్య త్రిపాఠి న‌టిస్తున్నార‌నే వార్త‌లు వినిపించాయి. అయితే తాజా స‌మాచారం ప్ర‌కారం ర‌వితేజ ప‌క్క‌న కేథ‌రిన్ క‌న్‌ఫ‌ర్మ్ అయింద‌న్న‌మాట‌.