தமிழக முதல்வராக சற்றுமுன் திமுக தலைவர் முக ஸ்டாலின் அவர்கள் பதவியேற்று கொண்டார். அவருக்கு தமிழக கவர்னர் பன்வாரிலால் புரோஹித் அவர்கள் பதவிப்பிரமாணம் மற்றும் ரகசிய காப்பு பிரமாணம் செய்து வைத்தார்

தமிழக முதல்வராக பதவி ஏற்றிருக்கும் முக ஸ்டாலின் விழாவிற்கு பல அரசியல் கட்சி பிரமுகர்கள் கலந்து கொண்டு அவருக்கு வாழ்த்து தெரிவித்து வருகின்றனர். குறிப்பாக மக்கள் நீதி மய்யம் கட்சியின் தலைவர் கமலஹாசன் அவர்கள் முக ஸ்டாலின் பதவி ஏற்பு விழாவில் கலந்து கொண்டுள்ளார் என்பது குறிப்பிடத்தக்கது

அதிமுக சார்பில் துணை முதல்வர் ஓபிஎஸ் அவர்கள் கலந்து கொண்டார். மேலும் திமுகவின் கூட்டணி கட்சி தலைவர்களான வைகோ, திருமாவளவன் உள்ளிட்ட பலரும், பாஜக சார்பில் இல கணேசன் அவர்களும், காங்கிரஸ் சார்பில் குண்டுராவ், கே.எஸ் அழகிரி ஆகியோர்களும் முதல்வர் ஸ்டாலின் பதவியேற்பு விழாவில் கலந்துகொண்டனர் என்பது குறிப்பிடத்தக்கது

இன்று காலை மிகச் சரியாக 9 மணிக்கு தமிழக முதல்வராக ஸ்டாலின் அவர்கள் பதவியேற்றதை அடுத்து துரைமுருகன் உள்ளிட்ட அமைச்சர்களும் தற்போது பதவி ஏற்றுக் கொண்டு வருகின்றனர்.

பதவி ஏற்பு நிகழ்ச்சி - நேரலை https://t.co/wbJ4fJURt6

— M.K.Stalin (@mkstalin) May 7, 2021