பெரியார் குறித்து அவமரியாதையாக ரஜினிகாந்த் பேசியதாக குற்றஞ்சாட்டப்பட்ட நிலையில் அவர் மன்னிப்பு கேட்க வேண்டும் என பெரியாரின் ஆதரவாளர்கள் கருத்து தெரிவித்தனர். இந்த நிலையில் இன்று காலை செய்தியாளர்களை சந்தித்த ரஜினிகாந்த், ‘தான் கேள்விப்பட்டதையும் பத்திரிகைகளில் படித்தவகளையும் உண்மையைத்தான் பேசியதாகவும் அதனால் மன்னிப்பு கேட்க முடியாது என்று கூறினார். ரஜினியின் இந்த பதில் பெரியார் ஆதரவாளர்களை மேலும் அதிர்ச்சிக்குள்ளாக்கியது

இந்த நிலையில் ரஜினியின் இந்த பேச்சுகுறித்து திமுக தலைவர் முக ஸ்டாலின் கூறியபோது, ‘ரஜினி அரசியல்வாதி அல்ல; அவர் ஒரு நடிகர்; பெரியாரை பற்றி பேசும்போது சிந்தித்து பேசவேண்டும் என்பதே நண்பர் ரஜினிக்கு நான் வைக்கும் வேண்டுகோள்’ என்று கூறினார்.

அதேபோல் திமுக இளைஞரணி செயலாளர் உதயநிதி ஸ்டாலின் இதுகுறித்து பேசியபோது, ‘உண்மை தெரியாமல் பேசும் ரஜினி, தெரிந்த பிறகு மன்னிப்பு கேட்பார். காவிரி விவகாரம் குறித்து பேசியபின் அவர் மன்னிப்பு கேட்டவர் தான்’ என்று கூறினார்.