மிதிலிராஜ் வாழ்க்கை வரலாறு படத்தில் நடிக்கும் நடிகை யார்?
- IndiaGlitz, [Tuesday,September 26 2017]
இந்திய பெண்கள் அணியின் கேப்டன் மிதிலிராஜ் சமீபத்தில் நடந்த மகளிர் உலகக்கோப்பை கிரிக்கெட் போட்டியில் இந்திய அணியை இறுதிப்போட்டி வரை கொண்டு சென்றவர். அதுமட்டுமின்றி ஒரு நாள் போட்டிகளில் 6 ஆயிரம் ரன்களை கடந்த ஒரே வீராங்கனை என்ற பெருமைக்குரியவர்.
மேலும் அர்ஜூனா விருது, பத்மஸ்ரீ விருதினை பெற்றவர். இந்த நிலையில் இவருடைய வாழ்க்கை வரலாறு திரைப்படம் ஆகிறது. இதற்கான விநியோக உரிமையை குயின், கஹானி மற்றும் மேரி கோம் போன்ற படங்களை தயாரித்த வியாகம் 18 மோஷன் பிக்சர்ஸ் என்ற நிறுவனம் பெற்றுள்ளது.
இதுகுறித்து மிதிலிராஜ் வெளியிட்டுள்ள அறிக்கை ஒன்றில் கூறியிருப்பதாவது: வியாகம்18 மோசன் பிக்சர்ஸ் உடன் இணைவதில் நான் மிக்க மகிழ்ச்சி அடைகிறேன். இந்த திரைப்படம் நிறைய பேருக்கு ஒரு தூண்டுதலாக இருக்கும். குறிப்பாக இளஞ்சிறுமிகள் விளையாட்டை தங்களது தொழிலாக எடுத்து கொள்ள ஏதுவாக இது இருக்கும்' என தெரிவித்துள்ளார்.
இந்த நிலையில் மிதிலிராஜ் கேரக்டரில் நடிக்கவுள்ள நடிகை யார்? என்பதே தற்போது அனைவரின் கேள்வியாக உள்ளது. இந்த கேரக்டரில் மிதிலிராஜே நடிப்பாரா? அல்லது முன்னணி நடிகை யாராவது நடிப்பார்களா? என்பது குறிட்து இன்னும் ஓரிருநாட்களில் வெளிவரவுள்ளது.