ప్ర‌స్తుతం బ‌యోపిక్‌ల ట్రెండ్ న‌డుస్తుంది. క్రీడాకారులు, రాజ‌కీయ నాయ‌కులు ఇలా అందరి జీవిత చరిత్ర‌లు సినిమాల రూపంలో తెర‌కెక్కాయి. మ‌రి కొంద‌రి బ‌యోపిక్‌లు నిర్మాణ ద‌శ‌లో ఉన్నాయి. మ‌రికొంద‌రివి ప్రీ ప్రొడ‌క్ష‌న్ ద‌శ‌లో ఉన్నాయి. ప్రీ ప్రొడ‌క్ష‌న్ ద‌శ‌లో ఉన్న బ‌యోపిక్‌ల విష‌యానికి వ‌స్తే ఇండియా మ‌హిళా క్రికెట్ కెప్టెన్ మిథాలీ రాజ్ జీవిత చ‌రిత్ర సినిమా రూపంలో రానుంది.

వ‌యాకామ్ 18 సంస్థ ఈ చిత్రాన్ని నిర్మించ‌నుంది. కాగా ఈ సినిమాలో త‌న పాత్ర‌లో ప్రియాంక చోప్పా న‌టిస్తే బావుంటుందని మిథాలీరాజ్ అభిప్రాయ‌ప‌డుతుంది. "నా బ‌యోపిక్‌కి సంబంధించిన అన్నీ విష‌యాలు యూనిట్‌కి వెల్ల‌డించాను. నా పాత్ర‌లో ఎవ‌రు న‌టిస్తే బావుటుంద‌నేది యూనిట్‌కే వ‌దిలేస్తున్నాను. 2019లో చిత్రీక‌ర‌ణ మొద‌ల‌వుతుంది. అలాగే సెప్టెంబ‌ర్‌లో ఆటోబయోగ్ర‌ఫీని విడుద‌ల చేయ‌బోతున్నాను" అంటూ తెలిపారు మిథాలీరాజ్‌.