న‌ల్ల‌మ‌లుపు బుజ్జి, ఠాగూర్ మ‌ధు నిర్మాతులుగా మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ హీరోగా శ్రీనువైట్ల ద‌ర్శ‌క‌త్వంలో రూపొందుతోన్న చిత్రం మిస్ట‌ర్‌. ఈ సినిమా చిత్రీక‌ర‌ణ ద‌శ‌లో ఉంది. హాఫ్ బీట్ క‌మ‌ర్షియ‌ల్ ఎంట‌ర్ టైన‌ర్స్‌లో న‌టించిన వ‌రుణ్ తేజ్ మిస్ట‌ర్ చిత్రంతో తొలిసారి రొమాంటిక్ ఎంట‌ర్‌టైన‌ర్‌లో న‌టించ‌నున్నాడు. శ్రీనువైట్ల ల‌వ్ ట్ర‌యాంగిల్ కాన్సెప్ట్‌లో వ‌రుణ్ తేజ్‌ను స‌రికొత్త‌గా ప్రెజెంట్ చేస్తున్నాడ‌ట‌. వ‌రుణ్ యూనివ‌ర్సిటీ టాపర్‌గా న‌టిస్తున్నాడ‌నే సంగ‌తి తెలిసిందే.

అయితే ఇదొక పార్ట్ అని వ‌రుణ్ మిస్ట‌ర్ లో ఎన్నారై యువ‌కుడుగా.., స్పెయిన్‌లో సెటిల్ అయిన బిలియ‌నీర్ ఇండియ‌న్ త‌న‌యుడుగా వ‌రుణ్ తేజ్ తెర‌పై క‌న‌ప‌డ‌తాడు. వ‌రుణ్‌తేజ్ స‌ర‌స‌న లావ‌ణ్య త్రిపాఠి, హేబా ప‌టేల్ హీరోయిన్స్‌గా న‌టిస్తున్నారు.
ఆగ‌డు, బ్రూస్ లీ చిత్రాలు అనుకున్న రేంజ్‌లో స‌క్సెస్ కాక‌పోవ‌డంతో శ్రీనువైట్ల త‌న ఆశ‌ల‌న్నీ మిస్ట‌ర్ చిత్రంపైనే పెట్టుకున్నాడ‌ట‌. మ‌రి మిస్ట‌ర్ శ్రీనువైట్ల‌కు ఎలాంటి స‌క్సెస్‌ను తెచ్చి పెడుతుందో చూడాలి.