நடிகர் சித்தார்த் நடித்த ’மிஸ் யூ’ என்ற திரைப்படம் வரும் 29ஆம் தேதி திரையரங்குகளில் வெளியாக இருக்கின்ற நிலையில், இந்த படத்தின் டீசர் சற்று முன் வெளியாகி இணையத்தில் வைரல் ஆகி வருகிறது.

சித்தார்த் நடித்த ’சித்தா’ என்ற திரைப்படம் கடந்த ஆண்டு வெளியாகி நல்ல வரவேற்பு பெற்ற நிலையில், தற்போது அவர் நடித்துள்ள அடுத்த படமான ’மிஸ் யூ’ என்ற படம் ரிலீசுக்கு தயாராக உள்ளது. இந்த படத்தை ராஜ்சேகர் என்பவர் இயக்கியுள்ள நிலையில், இவர் ஏற்கனவே ஜீவா நடித்த ’களத்தில் சந்திப்போம்’ என்ற படத்தை இயக்கியவர் என்பது குறிப்பிடத்தக்கது.

சித்தார்த் நாயகனாகவும், ஆஷிகா ரங்கநாத் நாயகியாகவும் நடித்துள்ள இந்த படத்தின் டீசரில் ரொமான்ஸ் மட்டும் காமெடி காட்சிகள் இடம் பெற்றுள்ளன. இந்த டீசர் வீடியோ தற்போது இணையத்தில் வைரல் ஆகி வருகிறது.

’நீ பிடிச்சிருக்குன்னு சொல்றியே, உனக்கு தெரியுமா, இந்த உலகத்திலேயே உன்னை பிடிக்காத பொண்ணு, அந்த பொண்ணு தான் யார்?

நீங்க யாருன்னு தெரியாமல் ப்ரொபோஸ் பண்ணிட்டேன்.

தெரியாம தானே சொன்னீங்க, தெரிந்திருந்தால் சொல்லியிருக்க மாட்டீங்க தானே.

நான் ஏன் உனக்கு வேணாம்னு ஒரு காரணம் சொல்லு, நான் இங்கிருந்து போயிடுறேன்.

லூசு டா அந்த பொண்ணு

போன்ற வசனங்கள் டீசரில் உள்ள நிலையில் இந்த படத்தை உடனே பார்க்க வேண்டும் என்ற ஆவலை ஏற்படுத்தியுள்ளது. இந்த படத்தில் கருணாகரன், பாலசரவணன், லொள்ளு சபா, மாறன் உள்பட பலர் நடித்துள்ள நிலையில், ஜிப்ரான் இசையமைத்துள்ளார்.