நடிகர் ஜீவா தற்போது நடித்து வரும் 'கொரில்லா' என்ற படத்தின் படப்பிடிப்பு விறுவிறுப்பாக நடைபெற்று வரும் நிலையில் அவர் பிரபல இயக்குனர் ராஜூமுருகன் இயக்கத்தில் ஒரு படம் நடிக்கவுள்ளதாகவும் இந்த படத்திற்கு 'ஜிப்ஸி' என்ற டைட்டில் வைக்கப்பட்டுள்ளதாகவும் வெளிவந்த செய்தியை ஏற்கனவே பார்த்தோம்

இந்த நிலையில் இந்த படத்தில் ஜீவா ஜோடியாக நடிக்க நடாஷா சிங் என்பவர் ஒப்பந்தமாகியுள்ளார். இவர் மிஸ் ஹிமாச்சல பிரதேஷ் பட்டம் வென்றவர் எப்ன்பதும் மாடலிங் செய்து வரும் இவர் நடிக்கும் முதல் தமிழ் திரைப்படம் இதுதான் என்பதும் குறிப்பிடத்தக்கது.

இந்த படத்தில் நடிப்பது குறித்து நடாஷாசிங் கூறியதாவது: ''பழமைவாத குடும்பத்திலிருந்து வரும் கூச்ச சுபாவமுடைய பெண்ணாக இந்த படத்தில் நடிக்கிறேன். ஆனால் அதே நேரத்தில் ஹீரோவை சந்தித்தவுடன் என்னுடைய கேரக்டர் தலைகீழாக மாறுகிறது. இந்த கதையை இயக்குனர் கூறியவுடன் உடனே எனக்கு பிடித்துவிட்டது. இயக்குநர் ராஜுமுருகன் நேர்த்தியாக படத்தின் திரைக்கதையில் கூறியுள்ளதால் இந்த படம் எனக்கு ஒரு நல்ல எண்ட்ரியை கொடுக்கும் என எதிர்பார்க்கின்றேன் என்று கூறியுள்ளார்.

இந்த படத்தை ஒலிம்பியா மூவீஸ் எஸ்.அம்பேத்குமார் என்பவர் தயாரித்து வருகிறார்