பெரியார் சிலை விவகாரம் எதிரொலி: சென்னையில் 15 பேர்களின் பூணூல் அறுப்பு
- IndiaGlitz, [Wednesday,March 07 2018]
பெரியார் சிலை குறித்து எச்.ராஜா சர்ச்சைக்குரிய ஒரு கருத்தை தெரிவித்ததும், அந்த கருத்து தன்னுடைய அட்மின் தனக்கு தெரியாமல் பதிவு செய்த கருத்து என்று கூறி அவர் வருத்தம் கேட்டதும் தெரிந்ததே. இருப்பினும் இந்த பிரச்சனை முடிவுக்கு வராமல் தொடர்ந்து கொண்டே உள்ளது. சிலை உடைக்கும் செயல்களில் ஈடுபடுபவர்கள் மீது தகுந்த நடவடிக்கை எடுக்க வேண்டும் என்று மாநில அரசுக்கு சற்றுமுன் பிரதமர் மோடி உத்தரவிட்டுள்ளார் என்பதும் குறிப்பிடத்தக்கது.
இந்த நிலையில் சென்னை மயிலாப்பூர் மற்றும் திருவல்லிக்கேணி பகுதியில் இருசக்கர வாகனத்தில் வந்த மர்ம நபர்கள் சிலர் அப்பகுதியில் உள்ள 15 பேர்களின் பூணூல்களை அறுத்ததாக செய்திகள் வெளிவந்துள்ளது. மேலும் அவர்கள் பூணூலை அறுத்துவிட்டு பெரியார் வாழ்க என்ற கோஷத்தையும் எழுப்பியுள்ளனர்
பெரியாரின் சிலை உடைக்கப்படும் என்று கூறியதும், ஒருசில இடங்களில் பெரியாரின் சிலைகள் சேதப்படுத்தியதும் எந்த அளவுக்கு ஒரு அநாகரீக செயலோ,அதைவிட மோசமான அநாகரீக செயல் பூணூல் அறுக்கும் செயல் என்றும், இதை பெரியார் உயிருடன் இருந்தால் கூட ஏற்றுக்கொள்ள மாட்டார் என்றும் சமூகநல ஆர்வலர்கள் கருத்து கூறி வருகின்றனர்.