த்ரிஷா படத்தில் 2வது நாயகியான உதவி இயக்குனர்
- IndiaGlitz, [Wednesday,January 11 2017]
கோலிவுட் சூப்பர் ஸ்டார் நயன்தாராவை போலவே த்ரிஷாவும் தற்போது நாயகிக்கு முக்கியத்துவம் உள்ள படங்களை தேர்வு செய்து நடித்து வருகிறார். அந்த வகையில் அவர் சமீபத்தில் ஒப்புக்கொண்ட படம் '1818'. மும்பை குண்டுவெடிப்பு சம்பவத்தை பின்னணியாக கொண்டு உருவாக்கப்படும் இந்த படத்தை ரிதுன்சாகர் இயக்கி வருகிறார்
இந்நிலையில் இந்த படத்தில் இரண்டாவது நாயகியாக மீஷா கோஷல் தற்போது இணைந்துள்ளார். இவர் ராஜா ராணி', ஏழாம் அறிவு, 'வடகறி', 'வாலு' உள்பட பல படங்களில் நாயகிகளின் தோழியாக நடித்துள்ளார். அதுமட்டுமின்றி இவர் ஒருசில படங்களில் உதவி இயக்குனராகவும் பணிபுரிந்துள்ளார்
த்ரிஷா, பிரம்மானந்தம், ராஜேந்திர பிரசாத், சுமன், ரமேஷ் திலக் உள்ளிட்ட பலர் நடித்து வரும் இந்த படத்திற்கு தமன் இசையமைக்கின்றார்.