பிரபல இயக்குனரின் படத்தில் மீண்டும் இணையும் மிர்ச்சி சிவா-யோகிபாபு!
- IndiaGlitz, [Thursday,July 01 2021]
பிரபல நடிகர்களான மிர்ச்சி சிவா மற்றும் யோகி பாபு ஏற்கனவே ’கலகலப்பு’ ’கலகலப்பு 2’ மற்றும் ’சுமோ’ ஆகிய படங்களில் இணைந்து நடித்துள்ளனர் என்பது முதல் இரண்டு படங்கள் நல்ல வரவேற்பை பெற்றது என்பதும் ’சுமோ’ திரைப்படம் விரைவில் வெளியாக உள்ளது என்பதும் குறிப்பிடத்தக்கது. இந்த நிலையில் மிர்ச்சி சிவா மற்றும் யோகிபாபு ஆகிய இருவரும் மீண்டும் பிரபல இயக்குனர் ஒருவரின் படங்களில் இணைந்து நடிக்க உள்ளதாக தகவல்கள் வெளிவந்துள்ளன.
’ஜெயம் கொண்டான்’ என்ற திரைப்படத்தின் மூலம் இயக்குனராக அறிமுகமாகி அதன்பின்னர் ’கண்டேன் காதலை’ ’வந்தான் வென்றான்’ ’இவன் தந்திரன்’ ’பூமராங்’ உள்ளிட்ட படங்களை இயக்கியுள்ள இயக்குனர் ஆர். கண்ணன் இயக்கவுள்ள அடுத்த படத்தில் முக்கிய வேடத்தில் மிர்ச்சி சிவா மற்றும் யோகிபாபு நடிக்க உள்ளதாக தகவல்கள் வெளிவந்துள்ளன.
முழுக்க முழுக்க காமெடி அம்சம் கொண்ட இந்த படத்தின் படப்பிடிப்பு விரைவில் தொடங்க உள்ளதாகவும் இந்த படத்தின் நடிக்கும் நடிகர்கள் நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் இந்த படத்தின் அதிகாரபூர்வ அறிவிப்பு இன்னும் ஒரிரு நாட்களில் வெளிவரும் என்றும் கூறப்படுகிறது. இயக்குனர் கண்ணன் ஏற்கனவே ’தள்ளிப்போகாதே’ மற்றும் ’எரியும் கண்ணாடி’ ஆகிய படங்களை இயக்கி வருகிறார் என்பது குறிப்பிடத்தக்கது.