கொரோனா வைரஸ் பயம் காரணமாக 100 நாட்கள் வீட்டுக்குள் இருந்த கமல்ஹாசன், அடுத்ததாக பிக்பாஸ் வீட்டில் 100 நாட்கள் இருக்கவுள்ளார் என்று அமைச்சர் ஜெயகுமார் கிண்டலடித்துள்ளது பெரும் பரபரப்பை ஏற்படுத்தியுள்ளது.

கமல்ஹாசன் கட்சி ஆரம்பத்ததில் இருந்தே அவரது முதல் டார்கெட் அதிமுக தான். கடந்த மூன்று வருடங்களாக அவர் அதிமுக ஆட்சியையும் அமைச்சர்களையும் விமர்சனம் செய்வதும், அதற்கு அமைச்சர்கள் பதிலடி தருவதும் வழக்கமான ஒன்றாக உள்ளது.

இந்த நிலையில் இன்று கிண்டியில் ராமசாமி படையாச்சியார் சிலைக்கு மரியாதை செலுத்திய அமைச்சர் ஜெயக்குமார் செய்தியாளர்களை சந்தித்தபோது, கமல் குறித்த கேள்வி ஒன்றுக்கு, ‘கொரோனாவிற்கு பயந்து கமல்ஹாசன் 100 நாட்கள் வீட்டிற்குள் முடங்கியிருந்தார். அறிக்கை மூலமே அரசியல் நடத்தினார். தற்போது கமல்ஹாசன் மீண்டும் பிக்பாஸ் வீட்டிற்குள் 100 நாட்கள் செல்லப்போகிறார் என்று கிண்டலுடன் கூறினார்.

மேலும் நாங்கள் கடந்த 150 நாட்களாக உயிரை பணயம் வைத்து களப்பணியாற்றி வரும் நிலையில் கமல் என்றைக்காவது ஒருநாள்தான் வெளியே வந்து அரசியல் செய்தாரா? என்று கேள்வி எழுப்பினார். அமைச்சரின் இந்த கேள்விக்கு கமல் என்ன பதில் சொல்ல போகிறார் என்பதை பொறுத்திருந்து பார்ப்போம்.