தமிழக அமைச்சர்களில் நெட்டிசன்களால் அதிகம் கலாய்க்கப்பட்டவர் அமைச்சர் செல்லூர் ராஜு தான் என்பது அனைவரும் அறிந்ததே. குறிப்பாக தெர்மோகோல் குறித்த மீம்ஸ்கள் பல நாட்கள் டுவிட்டரில் டிரெண்ட்டாக இருந்தது

இந்த நிலையில் கடந்த சில மாதங்களாக நடிகர் கமல்ஹாசனும், தமிழக அமைச்சர்களும் ஒருவரை ஒருவர் கடுமையாக விமர்சனம் செய்து கொண்டு வருகின்றனர். குறிப்பாக அமைச்சர்கள் ஜெயகுமார், ராஜேந்திரபாலாஜி ஆகியோர் கமல்ஹாசனை கடுமையாக விமர்சனம் செய்து வருகின்றனர்.

இந்த நிலையில் தமிழக அமைச்சர் செல்லூர் ராஜூ அவர்களும் கமல்ஹாசனை இன்று விமர்சனம் செய்துள்ளார். சினிமாவில் உலகநாயகனாக நடித்த கமல்ஹாசன், அரசியலில் நகைச்சுவை நடிகராக நடிக்கிறார் என்று அமைச்சர் செல்லூர் ராஜூ கூறியுள்ளார். மேலும் வைகை ஆற்றில் எருமை மாட்டை கழுவினால் கூட கூட்டம் கூடும் என்றும் நடிகர் ஒருவரின் பொதுக்கூட்டத்திற்கு கூட்டம் கூடியதில் வியப்பு ஏதும் இல்லை என்றும் அவர் தெரிவித்துள்ளார்.