கமல் இன்னும் களத்தூர் கண்ணாம்மா குழந்தையாகவே இருக்கின்றார்: அமைச்சர் ஜெயகுமார்
- IndiaGlitz, [Saturday,November 24 2018]
கடந்த சில மாதங்களுக்கு முன்னர் அரசியல் கட்சி ஒன்றை தொடங்கிய கமல்ஹாசனுக்கும் ஆளும் அதிமுக அமைச்சர்களுக்கும் இடையே அடிக்கடி வாக்குவாதங்கள் நடந்து கொண்டிருப்பது தெரிந்ததே
அந்த வகையில் சமீபத்தில் தமிழக முதல்வர் எடப்பாடி பழனிச்சாமி, ஹெலிகாப்டரில் சென்று கஜா புயல் பாதிப்புகள் குறித்து பார்வையிட்டதை 'முதல்வரின் ஹெலிகாப்டர் பார்வை என்பது தூரத்து பார்வையாக உள்ளது' என்று கமல்ஹாசன் விமர்சனம் செய்திருந்தார்.
கமல்ஹாசனின் இந்த விமர்சனத்திற்கு சற்றுமுன் பதிலளித்த தமிழக அமைச்சர் ஜெயகுமார், 'கமல் இன்னும் குழந்தையாகவே, களத்தூர் கண்ணம்மா படத்தில் உள்ளது போல் இருக்கிறார் என்றும், புயல் பாதித்த பகுதிகளுக்கு முதலமைச்சர் ஹெலிகாப்டரில் சென்றது அவரது வசதிக்காக இல்லை என்றும், பொதுமக்களின் வசதிக்காகவே என்றும் விளக்கம் அளித்துள்ளார்.