தர்பார் படத்தில் தெரிவிக்கப்பட்ட கருத்து சரியானதுதான்: அமைச்சர் ஜெயக்குமார்
- IndiaGlitz, [Thursday,January 09 2020]
சூப்பர் ஸ்டார் ரஜினிகாந்த் நடித்த தர்பார் திரைப்படம் இன்று உலகம் முழுவதும் வெளியாகி பெரும்பாலான பாசிட்டிவ் விமர்சனங்கள் வெளிவந்து கொண்டு இருக்கின்றன. சமூக வலைத்தள பயனாளிகள் மற்றும் ஊடகங்களும் இந்த படத்தை பாராட்டி வருவதாகவும் தகவல்கள் வெளியாகி உள்ளது
இந்த நிலையில் இந்த படம் அரசியல் சம்பந்தப்பட்ட படம் இல்லை என்றாலும் ஒரு சில வசனங்கள் தமிழக அரசியலை மறைமுகமாக தாக்கும் வகையில் உள்ளது. அந்த வகையில் ’பணம் இருந்தால் சிறையில் உள்ள கைதிகள் கூட வெளியே சென்று ஷாப்பிங் செய்யலாம்’ என்று இந்த படத்தில் ஒரு வசனம் வருகிறது
இந்த இந்த வசனம் குறித்து நெட்டிசன்கள் கருத்து தெரிவிக்கும் போது ’இது சசிகலாவை குறிப்பதாகவே குறிப்பிட்டு வந்தனர். இந்த நிலையில் இதுகுறித்து இன்று செய்தியாளர்கள் கேட்ட கேள்வி ஒன்றுக்கு பதிலளித்த அமைச்சர் ஜெயகுமார், ‘சசிகலா குறித்து ‘தர்பார்’ படத்தில் தெரிவிக்கப்பட்ட கருத்து சரியானதுதான்’ என்று அவர் கூறியுள்ளார். இதனால் பெரும் பரபரப்பு ஏற்பட்டுள்ளது