ரஜினி- கமல் சந்திப்பு பில்டப் செய்யப்படுகிறது: அமைச்சர் ஜெயகுமார்
- IndiaGlitz, [Monday,February 19 2018]
நேற்று சூப்பர் ஸ்டார் ரஜினிகாந்தை அவரது இல்லத்தில் நடிகர் கமல்ஹாசன் சந்தித்து பேசினார். அரசியல் களத்தில் குதிக்கும் முன் தனக்கு நெருங்கியவர்களிடம் தகவல் கூறி வாழ்த்து பெற்று வருவதாகவும், அந்த வகையில் ரஜினியை தான் சந்திக்க வந்ததாகவும் கமல் தெரிவித்தார். அதேபோல் கமல் பாணி வேறு, தன்னுடைய பாணி வேறு என்றும், ரஜினிகாந்த் தெரிவித்தார்.
நேற்றைய இந்த சந்திப்பை ஊடகங்கள் பெருமளவில் முக்கியத்துவம் கொடுத்தன. இன்றைய நாளிதழ்களிலும் இதுதான் தலைப்பு செய்தியாக வெளிவந்துள்ளது. இந்த நிலையில் இந்த சந்திப்பு ஊடகங்களால் பில்டப் செய்யப்படுவதாக தமிழக அமைச்சர் ஜெயகுமார் தெரிவித்துள்ளார்
அவர் இதுகுறித்து கூறியதாவது: ரூஸ்வெல்ட்- வின்ஸ்டன் சர்ச்சில் சந்திப்பு போல ரஜினி- கமல் சந்திப்பு பில்டப் செய்யப்படுகிறது. ரஜினி- கமல் சந்திப்பால் நாட்டில் எதுவும் நடக்கப்போவது கிடையாது' என்று கூறியுள்ளார். அமைச்சர் ஜெயகுமார் கூறியது போல் இந்த சந்திப்பால் எதுவும் நடக்காதா? அல்லது தமிழக அரசியலை புரட்டி போடுமா? என்பது அடுத்த சட்டமன்ற தேர்தல் முடிவுகளில் தெரியும்