கட்டெறும்பு சிற்றெறும்பாகி காணாமல் போகும் கமல் கட்சி: அமைச்சர் ஜெயகுமார்
- IndiaGlitz, [Tuesday,April 24 2018]
நடிகர் கமல்ஹாசன் சமீபத்தில் 'மக்கள் நீதி மய்யம்' என்ற அரசியல் கட்சியை மதுரையில் பிரமாண்டமான கூட்டம் ஒன்றில் ஆரம்பித்தார். அதன்பின்னர் சென்னை, திருச்சியில் இரண்டு பிரமாண்டமான பொதுக்கூட்டத்தையும் நடத்தினார். மேலும் வரும் மே மாதம் கோவையிலும் ஒரு பொதுக்கூட்டத்தை நடத்த திட்டமிட்டுள்ளார்.
இந்த நிலையில் கமல்ஹாசன் கட்சிக்கு உறுப்பினர் சேர்க்கும் பணி ஆன்லைன் மூலம் நேரிலும் தீவிர ஏற்பாடுகள் நடைபெற்று வருகிறது. இக்கட்சியின் தலைமை அலுவலகத்தில் இளைஞர்கள் பலர் கட்சியில் சேர்ந்து வருகின்றனர்.
இந்த நிலையில் கமல்ஹாசன் கட்சி குறித்து இன்று பேட்டி ஒன்றில் கூறிய அமைச்சர் ஜெயகுமார், 'கட்டெறும்பு சிற்றெறும்பாகி பின்னர் காணாமல் போகும் கட்சிதான் கமல் கட்சி என்று கூறியுள்ளார். மேலும் உலகிலேயே கட்சி ஆரம்பிக்க தொண்டர்களிடம் பணம் கேட்ட ஒரே தலைவர் கமல்ஹாசன் தான் என்றும், கமல்ஹாசன் மாடியில் இருந்து பார்க்கும் தலைவர் என்றும், அவருக்கு மக்கள் பிரச்சனை புரியாது என்றும் கூறினார்.