கமல், ரஜினியால் மாற்றம் வராது, வறட்சிதான் வரும்: தமிழக அமைச்சர்
- IndiaGlitz, [Thursday,July 05 2018]
தமிழக அரசியல் களத்தில் கமல்ஹாசன், ரஜினிகாந்த் ஆகிய இருவரும் இறங்கியதில் இருந்தே முதல்வர் கனவில் இருந்த பல அரசியல்வாதிகளின் வயிற்றில் புளியை கறைக்க தொடங்கிவ்ட்டது. இதனால் இருவரையும் அரசியல்வாதிகள் மாறி மாறி விமர்சனம் செய்து வருகின்றனர்.
குறிப்பாக தமிழக அமைச்சர் ஜெயகுமார் வாரம் ஒருமுறையாவது கமல், ரஜினி குறித்து தனது பேட்டியில் குறிப்பிட தவறுவதில்லை. இந்த நிலையில் இன்று அவர் செய்தியாளர்களுக்கு அளித்த பேட்டியின்போது செய்தியாளர்கள் கமல், ரஜினி, அரசியலில் குதிப்பாதால் மாற்றத்தை ஏற்படுத்த முடியுமா? என்ற கேள்வியை முன்வைத்தனர்.
இந்த கேள்விக்கு பதிலளித்த அமைச்சர் ஜெயகுமார், 'கமல், ரஜினி என யார் வந்தாலும் அரசியலில் எந்த மாற்றத்தையும் கொண்டு வரமுடியாது; தமிழகத்தில் வறட்சியை தான் கொண்டுவருவார்கள்' என்று கூறினார். வழக்கம் போல் அமைச்சரின் இந்த பதிலுக்கு நெட்டிசன்களிடம் இருந்து ஆதரவும் எதிர்ப்பும் குவிந்து வருகிறது