கட்சி தொடங்க யாராவது தொண்டர்களிடம் பணம் கேட்டதுண்டா? அமைச்சர் ஜெயக்குமார்
- IndiaGlitz, [Tuesday,November 07 2017]
உலக நாயகன் கமல்ஹாசன் சமீபத்தில் ரசிகர்கள் முன் பேசியபோது 'நான் கட்சி தொடங்க எனக்கு என் ரசிகர்கள் பணம் கொடுப்பார்கள், அவர்களே என் தொண்டர்கள். அவர்கள் இருக்கும்போது எனக்கு கவலை எதற்கு? என்று கூறினார். கமல்ஹாசனின் இந்த கூற்றுக்கு சற்றுமுன்னர் தமிழக அமைச்சர் ஜெயக்குமார் பதில் அளித்துள்ளார்.
கட்சி தொடங்குவதற்காக தொண்டர்களிடம் யாரும் பணம் கேட்டது இல்லை. யார் வேண்டுமானாலும் கட்சி ஆரம்பிக்கலாம்; ஆனால் இறுதி எஜமானர்கள் மக்கள் தான். அன்றும், இன்றும், நாளையும் எம்ஜிஆர், ஜெயலலிதா பக்கமே மக்கள் உள்ளனர்' என்று கூறியுள்ளார்
அதேபோல் காங்கிரஸ் கட்சியின் பிரமுகர் பீட்டர் அல்போன்ஸ் கமல் அரசியல் வருகை குறித்து கூறியபோது, 'கமல் அரசியலுக்கு வருவதை நான் வரவேற்கிறேன்; மாற்றம் ஏற்படுமா என்பதை நாம் பொறுத்திருந்துதான் பார்க்க வேண்டும்' என்று கூறினார்.
ஏற்கனவே திருமாவளவன், வாசன், விஜயகாந்த் உள்பட பல அரசியல் தலைவர்கள் கமலின் அரசியல் வருகைக்கு ஆதரவு தெரிவித்துள்ளனர் என்பது குறிப்பிடத்தக்கது.