தளபதி விஜய் இன்று முதல் தமிழக முழுவதும் இரவு பாடசாலை தொடங்க இருப்பதை அடுத்து இது குறித்து அமைச்சர் துரைமுருகன் தனது கருத்தை தெரிவித்துள்ளார்.

‘விஜய் பயிலகம்’ என்ற பெயரில் ஜூலை 15 முதல் அதாவது காமராஜர் பிறந்த நாளிலிருந்து இரவு பாடசாலை தொடங்கப்படும் என விஜய் மக்கள் மன்றம் ஏற்கனவே தெரிவித்திருந்தது.

தமிழ்நாட்டில் உள்ள 234 தொகுதிகளில் ’விஜய் பயிலகம்’ தொடங்கப்படும் என்றும் மாணவ மாணவிகளுக்கு நோட்டு, புத்தகம், பேனா உள்ளிட்ட நலத்திட்டங்களும் இன்று வழங்கப்படும் என்றும் தகவல் வெளியாகியுள்ளது.

பள்ளி சென்று படிக்க முடியாத ஏழை எளிய மாணவிகள் இந்த விஜய் பயிலகம் மூலம் படித்துக் கொள்ளலாம் என்றும் விஜய் ரசிகர் மன்றத்தின் நிர்வாகிகள் பாடம் சொல்லிக் கொடுப்பார்கள் என்றும் அறிவிக்கப்பட்டிருந்தது.

இந்த நிலையில் இந்த திட்டம் குறித்து கருத்து தெரிவித்த அமைச்சர் துரைமுருகன் ’மக்களை நன்மதிப்பை பெற்ற பெருந்தலைவர் காமராஜர் பிறந்த நாளில் நடிகர் விஜய் ரசிகர் மன்றம் சார்பில் இரவு பாடசாலை தொடங்குவது நல்லது தான்’ என்று தெரிவித்துள்ளார்.