మిల్కీబ్యూటీ తమన్నా రీసెంట్‌గా చేసిన ఓ ప‌ని అంద‌రినీ షాక్‌కు గురి చేస్తుంది. ఇంత‌కీ త‌మ‌న్నా అంత‌లా అంద‌రినీ షాకింగ్‌కు గురి చేసిన పని ఏంటి? అని అనుకుంటున్నారా? డ‌్రైవింగ్ చేసింది. డ్రైవింగ్ చేయ‌డంలో అంత గొప్ప ఏముంది? అని అనిపిస్తుందా!..త‌మ‌న్నా డ్రైవింగ్ చేసిన స్కూట‌రో, కారు కాదు.. బ‌స్సు. వివ‌రాల్లోకి వెళితే.. ప్ర‌స్తుతం త‌మ‌న్నా హీరోయిన్‌గా న‌టిస్తోన్న చిత్రం ‘సీటీమార్‌’. ఈ సినిమా షూటింగ్ శరవేగంగా జరుగుతోంది. సదరు లొకేషన్‌కి వెళ్లేట‌ప్పుడు యూనిట్ ట్రావెల్ చేస్తున్న బ‌స్సుని త‌మ‌న్నాయే స్వ‌యంగా న‌డ‌ప‌డం విశేషం. ఆ వీడియోను త‌మ‌న్నా.. త‌న ఇన్‌స్టాలో పోస్ట్ చేసింది. ఆ వీడియో చూసిన మిల్కీ బ్యూటీ అభిమానులు అబ్బో మా మిల్కీబ్యూటీ అని అనుకుంటున్నారు.

గోపీచంద్ హీరోగా సంప‌త్ నంది ద‌ర్శ‌క‌త్వంలో రూపొందుతోన్న చిత్రం సీటీమార్‌. ఈ చిత్రంలో త‌మ‌న్నా.. తెలంగాణ అమ్మాయిల జ‌ట్టు క‌బ‌డ్డీ కోచ్ పాత్ర‌లో క‌నిపించ‌నుంది. ఈ పాత్ర కోసం త‌మ‌న్నా క‌బ‌డీ ట్రైనింగ్ తీసుకోవ‌డంతో పాటు, తెలంగాణ యాస కూడా నేర్చుకుంది. ఈ సినిమా చిత్రీక‌ర‌ణ పూర్తి కాగానే.. నితిన్ హీరోగా మేర్ల‌పాక గాంధీ ద‌ర్శ‌క‌త్వంలో రూపొందుతోన్న అంధాదున్ రీమేక్‌లో న‌టిస్తుంది. బాలీవుడ్‌లో ట‌బు చేసిన గ్రే షేడ్స్‌లో త‌మ‌న్నా న‌టిస్తుంది.

View this post on Instagram

A post shared by Tamannaah Bhatia (@tamannaahspeaks)