இந்திய சினிமாவில் முதல்முறையாக நடிக்கும் மைக் டைசன்!
- IndiaGlitz, [Monday,September 27 2021]
உலகம் முழுவதும் பிரபலமான குத்துச்சண்டை வீரரான மைக் டைசன் முதல் முதலாக இந்திய திரைப்படத்தில் அதுவும் தமிழ் திரைப்படத்தில் நடிக்க உள்ளதாக அதிகாரப்பூர்வமாக அறிவிக்கப்பட்டுள்ளது.
பிரபல தெலுங்கு நடிகர் விஜய் தேவரகொண்டா நடித்து வரும் ’லைகர்’ என்ற திரைப்படம் தமிழ் உள்பட பல மொழிகளில் உருவாகி வருகிறது என்பது குறிப்பிடத்தக்கது. பூரி ஜெகன்நாத் இயக்கத்தில் உருவாகி வரும் இந்த திரைப்படத்தில் விஜய் தேவரகொண்டாவுக்கு ஜோடியாக அனன்யா பாண்டே நடித்துவருகிறார். மேலும் இந்த படத்தில் ரம்யா கிருஷ்ணன், ரோனித் ராய், சார்மி கவுர் உள்பட பலர் நடித்து வருகின்றனர்.
இந்த நிலையில் இந்த திரைப்படத்தில் முக்கிய வேடத்தில் மைக் டைசன் நடிக்க இருப்பதாகவும் குறிப்பாக கிளைமாக்ஸ் காட்சியில் சிறப்பு தோற்றத்தில் நடிக்க இருப்பதாகவும் தகவல்கள் வெளிவந்துள்ளன இது குறித்த வீடியோ ஒன்றை விஜய் தேவர்கொண்டா தனது சமூக வலைத்தளத்தில் வெளியிட்டுள்ளார் என்பதும் இந்த வீடியோ தற்போது வைரல் ஆகி வருகிறது என்பது குறிப்பிடத்தக்கது.
முதல்முறையாக இந்திய சினிமாவில் மைக்டைசன் நடிக்க இருப்பது பெரும் ஆச்சரியத்தை ஏற்படுத்தி உள்ளது என்பது குறிப்பிடத்தக்கது. இந்த படம் தமிழ், தெலுங்கு, ஹிந்தி, கன்னடம், மலையாளம் ஆகிய மொழிகளில் உருவாகி வருகிறது என்பது குறிப்பிடத்தக்கது.