சுரேஷ் காமாட்சி இயக்கத்தில் உருவாகிய ‘மிக மிக அவசரம்’ திரைப்படம் நாளை வெளியாக திட்டமிடப்பட்டு அதற்கான புரமோஷன் பணிகளும் விறுவிறுப்பாக நடைபெற்றது.

ஒரு பெண் போலீஸ் அனுபவிக்கும் இக்கட்டான பிரச்சனைகளை இயக்குனர் மிகவும் அழுத்தமாக இந்த படத்தில் கூறியிருப்பதாக இந்த படத்தை பார்த்த பத்திரிகையாளர்கள் பாராட்டி வந்தனர்.

இந்த நிலையில் நாளை வெளியாக வேண்டிய ‘மிக மிக அவசரம்’ திரைப்படம் வரும் 18ஆம் தேதி ரிலீஸ் ஆகும் என சற்றுமுன் அறிவிக்கப்பட்டுள்ளது

ஏற்கனவே வெளியான ‘நம்ம வீட்டு பிள்ளை’ மற்றும் ‘அசுரன்’ ஆகிய திரைப்படங்கள் அனைத்து திரையரங்குகளிலும் ஹவுஸ்புல் காட்சிகளாக ஓடிக்கொண்டிருக்கின்றது. அதுமட்டுமின்றி நாளை சித்தார்த்தின் ‘அருவம்’, தமன்னாவின் ‘பெட்ரோமாக்ஸ்’ மற்றும் யோகிபாபுவின் ‘பப்பி’ ஆகிய திரைப்படங்கள் வெளியாவதால் ‘மிக மிக அவசரம்’ திரைப்படத்திற்கு எதிர்பார்த்த திரையரங்குகள் கிடைக்காததால் ரிலீஸ் தேதி மாற்றப்பட்டுள்ளதாக அறிவிக்கப்பட்டுள்ளது

11ஆம் தேதி வெளியாக இருந்த #மிகமிகஅவசரம் படம் திரையரங்குகள் கிடைக்காத காரணத்தால் வெளியீடு அடுத்த வாரத்திற்கு தள்ளி வைக்கப்படுகிறது. அக்டோபர் 18 இல் வெளியாகும்.பாராட்டில் குளிர்வித்துக் கொண்டிருக்கும் பத்திரிகையாளர்களுக்கு நன்றி. உங்கள் ஆதரவை தொடர்ந்து தரக் கேட்டுக் கொள்கிறேன். tq

— sureshkamatchi (@sureshkamatchi) October 10, 2019