இயக்குனர் வெற்றிமாறனின் அடுத்த படத்தின் சென்சார் தகவல்கள்
- IndiaGlitz, [Monday,August 27 2018]
தனுஷ் நடித்து வரும் 'வடசென்னை' படத்தை இயக்கி முடித்துள்ள இயக்குனர் வெற்றிமாறன், அந்த படத்தின் போஸ்ட் புரடொக்சன்ஸ் பணியில் பிசியாக உள்ளார். இந்த படம் வரும் ஆயுதபூஜை திருநாளில் வெளியாகவுள்ளதால் இந்த படத்தின் பணிகள் இரவுபகலாக நடைபெற்று வருகிறது.
இந்த நிலையில் வெற்றிமாறன் தயாரிப்பில் சுரேஷ் காமாட்சி இயக்கத்தில் உருவாகியுள்ள படம் 'மிக மிக அவசரம்' இந்த படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவுற்று இன்று இந்த படம் சென்சாருக்கு சென்றது. சென்சார் அதிகாரிகள் இந்த படத்தை பார்த்து படத்திற்கு 'யூ' சான்றிதழ் அளித்துள்ளனர். இதனையடுத்து இந்த படத்தின் ரிலீஸ் தேதி மிகவிரைவில் அறிவிக்கப்படவுள்ளது.
சீமான் சிறப்பு தோற்றத்தில் நடித்துள்ள இந்த படத்தில் ஸ்ரீபிரியங்கா, ஹரிஷ், உள்பட பலர் நடித்துள்ளனர். இஷான் தேவ் இசையில் பாலபரணி ஒளிப்பதிவில் சுதர்சன் படத்தொகுப்பில் இந்த படம் உருவாகியுள்ளது.