சென்னை ஆர்.கே.நகர் இடைத்தேர்தல் வரும் 21ஆம் தேதி நடைபெறவுள்ள நிலையில் கடந்த சில நாட்களுக்கு முன்னர் வேட்புமனு தாக்கல் தொடங்கியது. அதிமுக சார்பில் மதுசூதனன், திமுக சார்பில் மருதுகணேஷ், பாஜக சார்பில் கரு நாகராஜன், நாம் தமிழர் சார்பில் கலைக்கோட்டுதயம் ஆகியோர் மனுதாக்கல் செய்துள்ளனர். மேலும் டிடிவி தினகரன், தீபா உள்பட  பல சுயேட்சை வேட்பாளர்களும் களத்தில் உள்ளனர்.

இந்த நிலையில் இன்று சுயேட்சை வேட்பாளராக நடிகர் விஷால் வேட்புமனுதாக்கல் செய்யவுள்ளார். அவர் இன்று மதியம் 12.30 மணிக்கு வேட்புமனு தாக்கல் செய்வார் என்று அறிவிக்கப்பட்டுள்ளது.

இந்த நிலையில் விஷால் வேட்புமனுதாக்கல் செய்யும் அதே 12.30 மணிக்கு புரட்சி தலைவர் எம் ஜி ஆர் அவர்களின் ரத்த வாரிசும் எம்ஜிஆர் அவர்களின் அண்ணன் திரு.சக்கரபாணி அவர்களின் மகனுமான திரு.M .C.சந்திரசேகர் என்ற M.G.C.சந்திரன் ஆர்.கே நகர் தேர்தலில் சுயேட்சை வேட்பாளராக வேட்புமனு தாக்கல் செய்கிறார்.

ஜெயலலிதா வெற்றி பெற்ற தொகுதியில் எம்ஜிஆரின் குடும்ப வாரிசு ஒருவரே களத்தில் இறங்குவது பெரும் பரபரப்பை ஏற்படுத்தியுள்ளது.