கார்த்தி நடித்த ‘மெய்யழகன்’ திரைப்படம் தியேட்டரில் ரிலீஸ் ஆன சில நாட்களில், 18 நிமிடங்கள் ட்ரிம் செய்யப்பட்ட நிலையில், தற்போது ஓடிடியில் ட்ரிம் செய்யப்பட்ட காட்சிகளையும் சேர்த்து பார்க்கலாம் என்று நிறுவனம் அறிவித்துள்ளது.

கார்த்தி நடிப்பில் பிரேம்குமார் இயக்கத்தில் உருவான ‘மெய்யழகன்’ திரைப்படம் சமீபத்தில் வெளியாகி நல்ல வரவேற்பைப் பெற்றது. கார்த்தி மற்றும் அரவிந்த்சாமியின் உரையாடல் இந்த படத்தில் ஹைலைட்டாக இருந்தது.

இருப்பினும் இந்த படம் ரிலீஸ் ஆகும்போது படத்தின் நீளம் அதிகமாக இருப்பதாக விமர்சகர்கள் தெரிவித்த நிலையில், சில நாட்களில் 18 நிமிடங்கள் ட்ரிம் செய்யப்பட்டு ரன்னிங் டைம் குறைக்கப்பட்டது.

இந்த நிலையில், தற்போது ‘மெய்யழகன்’ திரைப்படம் வரும் 27 ஆம் தேதி நெட்பிளிக்ஸ் ஓடிடியில் வெளியாகும் என்று அறிவிக்கப்பட்டுள்ளது. மேலும், திரையரங்கில் ட்ரிம் செய்யப்பட்ட 18 நிமிட காட்சிகளை சேர்த்து, ஓடிடியில் பார்க்கலாம் என்று அறிவிக்கப்பட்டுள்ள நிலையில், ரசிகர்கள் மகிழ்ச்சி அடைந்துள்ளனர். தீபாவளி திருநாளில், குடும்பத்துடன் பார்த்து மகிழக் கூடிய தரமான படம் என்று கூறப்படுகிறது.