ரஜினி, கமல், அஜித், விஜய் போன்ற பெரிய நடிகர்களின் படங்கள் வெளியாகும்போது சின்ன நடிகர்கள், சின்ன பட்ஜெட் படங்கள் வெளியிடுவது பெரும்பாலும் தவிர்க்கப்படும். இருப்பினும் ஒருசில படங்கள் அந்த படத்தின் கதையில் நம்பிக்கை வைத்து ரிலீஸ் செய்யப்படும்

அவ்வாறு 'மெர்சல்' ரிலீஸ் தினத்தன்று ரிலீஸ் ஆன படம்தான் கார்த்திக் சுப்புராஜ் தயாரிப்பில் வெளிவந்த 'மேயாத மான்'. இந்த படத்திற்கு ஊடகங்கள் மற்றும் சமூக வலைத்தள பயனாளிகள் கொடுத்த பாசிட்டிவ் விமர்சனங்கள் இந்த படத்தை வெற்றிப்படமாக்கி நல்ல ஓப்பனிங் வசூலை கொடுத்துள்ளது.

இந்த படம் சென்னையில் கடந்த வார இறுதி  நாட்களில் 8 திரையரங்குகளில் 54 காட்சிகள் திரையிடப்பட்டு ரூ.16,46,158 வசூல் செய்துள்ளது. மேலும் இந்த படம் கடந்த 18ஆம் தேதியில் இருந்து 22 ஆம் தேதி வரை சென்னையில் ரூ.25,83,154 வசூல் செய்து இந்த ஆண்டின் வெற்றி பட பட்டியலில் இணைந்துள்ளது.