விபத்து ஏற்படுத்தியது யார்? யாஷிகாவின் விளக்கம்
- IndiaGlitz, [Sunday,October 06 2019]
சென்னை நுங்கம்பாக்கம் அருகே நேற்றிரவு நடிகை யாஷிகாவின் சொகுசுக்கார் உணவு டெலிவரி செய்யும் தொழிலாளி ஒருவர் மீது மோதி விபத்துக்குள்ளானதாகவும், இந்த விபத்தில் காயம் அடைந்த அந்த ஊழியர் மருத்துவமனையில் சிகிச்சை பெற்று வருவதாகவும், இந்த காரில் யாஷிகாவின் நண்பர்கள் சென்ற நிலையில் யாஷிகா சென்றாரா? இல்லையா? என்பது உறுதி செய்யப்படவில்லை என்றும் செய்திகள் வெளியாகின.
இந்த நிலையில் இந்த விபத்து குறித்து யாஷிகா விளக்கம் அளித்துள்ளார். ‘உண்மையில் விபத்து நடந்த காரில் நான் செல்லவில்லை. நான் காரில் இருந்ததாக வெளிவந்து கொண்டிருக்கும் செய்திகள் பொய்யானவை. என்னுடைய நண்பர்கள் சென்ற கார் விபத்துக்குள்ளானதாக தகவல் தெரிந்தவுடன் நான் வேறொரு காரில் விபத்து நடந்த இடத்திற்கு சென்று பார்த்தேன். இதனால் நான் அந்த காரில் இருந்ததாக பலர் பொய்யான தகவலை தெரிவித்து வருகின்றனர்.’ என்று யாஷிகா விளக்கம் அளித்துள்ளார்.
யாஷிகாவின் இந்த விளக்கத்தை அடுத்து அவர் காரில் செல்லவில்லை என்பதும், அவர் காரை ஓட்டவில்லை என்பதும் தெரிகிறது.