தளபதி விஜய் நடித்து வரும் 'மெர்சல்' திரைப்படம் வெளிவருவதற்கு முன்னரே பலவித சாதனைகளை படைத்து வருகிறது. உதாரணமாக தென்னிந்தியாவிலேயே டுவிட்டரில் இமோஜி பெற்ற முதல் திரைப்படம் 'மெர்சல்' தான். இந்த சாதனையின் பரபரப்பே இன்னும் நீங்காத நிலையில் தற்போது மேலும் ஒரு சிறப்பு இந்த படத்திற்கு கிடைத்துள்ளது.

அதாவது 'மெர்சல் படத்தின் டைட்டிலுக்கு படக்குழுவினர் டிரேட்மார்க் பெற்றுள்ளனர். தென்னிந்திய சினிமா வரலாற்றில் ஒரு படத்தின் டைட்டிலுக்கு டிரேட் மார்க் பெறுவது இதுதான் முதல்முறை. இது 'மெர்சல்' படக்குழுவினர்களுக்கு கிடைத்த ஒரு மைல்கல்லாக பார்க்கப்படுகிறது.

'மெர்சல்' டிரேட்மார்க் பெற்றுவிட்டதன் காரணமாக யாரும் தயாரிப்பு நிறுவனத்தின் அனுமதி பெறாமல் 'மெர்சல்' டைட்டிலை பயன்படுத்த முடியாது. அப்படியே அனுமதி பெற்று பயன்படுத்தினாலும் ராயல்டி கொடுத்தாக வேண்டும் என்பது குறிப்பிடத்தக்கது. சமீபத்தில் இந்த படத்தின் தயாரிப்பு நிறுவனத்தின் பெயருக்கு டிரேட் மார்க் கிடைத்தது என்பது குறிப்பிடத்தக்கது.