உலகின் அதிக லைக்ஸ் பெற்ற ஹாலிவுட் திரைப்படமான 'ஸ்டார் வார்ஸ்' படத்தின் லைக்ஸ்களை சமீபத்தில் தல அஜித்தின் 'விவேகம்' டீசர் முறியடித்தது என்பது ஏற்கனவே தெரிந்ததே. இந்த நிலையில் இந்த சாதனையை தளபதி விஜய்யின் 'மெர்சல்' பட டீசர் வெறும் நான்கு மணி நேரத்தில் முறியடித்துள்ளது.

ஆம், நேற்று மாலை 6 மணிக்கு வெளியாகிய மெர்சல்' படத்தின் டீசருக்கு வினாடிக்கு வினாடி ஆயிரக்கணக்கான லைக்ஸ்கள் குவிந்த நிலையில் சரியாக இரவு பத்து மணி அளவில் இந்த டீசருக்கு 6 லட்சத்திற்கும் அதிகமான லைக்ஸ்கள் கிடைத்தது. இதன்மூலம் உலகின் அதிவேக, அதிகபட்ச லைக்ஸ்களை பெற்ற டீசர் என்ற பெருமையை இந்த டீசர் பெற்றுள்ளது

'மெர்சல் டீசர் 7.7 மில்லியன் ஃபாலோயர்கள் உள்ள சோனி நி'றுவனத்தின் யூடியூப் சேனலில் வெளியானதும், இந்த டீசரை விஜய், ஏ.ஆர்.ரஹ்மான் உள்பட பல விவிஐபிகளின் சமூக வலைத்தளங்களின் புரமோஷன் செய்ததும், இரவு 12 மணிக்கு வெளியிடாமல் பிரைம் டைம் என்று கூறப்படும் மாலை 6 மணிக்கு வெளியிட்டதும், இவையெல்லாவற்றையும் விட கோடிக்கணக்கான விஜய் ரசிகர்களுமே இந்த சாதனை ஏற்படுத்த காரணம் என்று கூறப்படுகிறது