இந்தியாவின் சுதந்திரத்திற்கு முன்பு இருந்து செயல்பட்டு கொண்டிருக்கும் அமைப்பு ஆர்.எஸ்.எஸ். பல்வேறு சர்ச்சைகளையும் எதிர்ப்புகளையும் சந்தித்து வரும் நிலையில் இந்த இயக்கம் குறித்த பிரமாண்டமான திரைப்படம் ஒன்று பாலிவுட்டில் தயாராகவுள்ளது.

ரூ.180 கோடி பட்ஜெட்டில் தயாராகவுள்ள இந்த படத்திற்கு 'பாகுபலி' , மெர்சல்' உள்பட பல படங்களுக்கு திரைக்கதை எழுதிய இயக்குனர் ராஜமெளலியின் தந்தை விஜயேந்திர பிரசாத் திரைக்கதை எழுதியுள்ளதாக கூறப்படுகிறது.

இந்த படத்திற்காக விஜயேந்திரபிரசாத எழுதிய திரைக்கதையை ஆர்.எஸ்.எஸ். தலைவர் மோகன் பகவத் படித்து பார்த்து ஓகே சொல்லிவிட்டதாகவும், விரைவில் இந்த படத்தின் படப்பிடிப்பு தொடங்கவுள்ளதாகவும் கூறப்படுகிறது.

இந்தி, தெலுங்கு என இருமொழிகளில் இந்த படம் தயாராகவுள்ளதாகவும் இந்த படத்தின் இயக்குனர் மற்றும் நடிகர்கள் குறித்த அறிவிப்பு விரைவில் வெளிவரும் என்றும் கூறப்படுகிறது. இந்த படத்தை அடுத்த ஆண்டு பொதுத்தேர்தலுக்கு முன்பே வெளியிட திட்டமிடப்பட்டுள்ளது என்பது குறிப்பிடத்தக்கது