மெர்சலின் சென்னை வசூல்: ரூ.10 கோடி கிளப்பில் இணைந்தது
- IndiaGlitz, [Monday,October 30 2017]
தளபதி விஜய் நடித்த 'மெர்சல்' திரைப்படம் ஏற்கனவே நல்ல ஓப்பனிங் வசூலை கொடுத்த நிலையில் பாஜக தலைவர்களின் புண்ணியத்தில் 2வது வாரத்திலும் நல்ல வசூலை பெற்று வருகிறது. உலகம் முழுவதும் திரையரங்க உரிமையாளர்களுக்கும், விநியோகிஸ்தர்களுக்கும் லாபத்தை கொடுக்க ஆரம்பித்துவிட்ட இந்த படத்தின் கடந்த வாரயிறுதி சென்னை வசூல் குறித்து தற்போது பார்ப்போம்
கடந்த வாரயிறுதி நாட்களில் அதாவது அக்டோபர் 27-29 வரையிலான நாட்களில் மெர்சல் திரைப்படம் சென்னையில் 20 திரையரங்குகளில் 442 காட்சிகள் திரையிடப்பட்டு ரூ.1,65,05,640 வசூலாகியுள்ளது. மேலும் 2வது வாரத்திலும் திரையரங்குகளில் 70% பார்வையாளர்கள் நிரம்பியிருந்தது இந்த படம் சூப்பர் ஹிட் என்பதை நிரூபித்துள்ளது.
மேலும் இந்த படம் ரிலீஸ் ஆன கடந்த 18ஆம் தேதியில் இருந்து 29ஆம் தேதி வரை ரூ.10,88,43,468 வசூலை பெற்று சாதனை செய்துள்ளது. இதற்கு முன்னர் ரு.10 கோடிக்கும் சென்னையில் வசூல் செய்த படங்களான 'பாகுபலி 2', 'கபாலி', 'விவேகம்' படங்களுடன் தற்போது 'மெர்சல்' படமும் இணைந்துள்ளது.