தளபதி விஜய் நடித்த 'மெர்சல்' திரைப்படம் கடந்த தீபாவளி தினத்தில் வெளியாகி மிகப்பெரிய வெற்றியை அடைந்த நிலையில் இந்த படத்தின் வசூல் குறித்து தகவல்களை ஒருசிலர் சர்ச்சையாக்கினர். சமீபத்தில் கூட ஒரு தயாரிப்பாளர் 'மெர்சல்' படத்தால் தயாரிப்பாளருக்கு நஷ்டம் என்று பேட்டி அளித்து பரபரப்பை ஏற்படுத்தினார்

இந்த நிலையில் இதுவரை வெளியான திரைப்படங்களில் இந்திய அளவில் அதிக வசூல் செய்த 25 படங்களின் பட்டியல் தற்போது வெளிவந்துள்ளது. இந்த பட்டியலில் 'மெர்சல்' திரைப்படம் 25வது இடத்தை பிடித்து வதந்தி பரப்பியர்களின் வாயை மூடியுள்ளது.

இந்த பட்டியலில் அமீர்கானின் 'தங்கல்' திரைப்படம் ரூ.2122 கோடி வசூல் செய்து முதலிடத்தில் உள்ளது. இதனையடுத்து பாகுபலி 2, பிகே, பாகுபலி, பாஜ்ராங்கி பைஜான் ஆகிய படங்கள் முதல் ஐந்து இடங்களில் உள்ளது

மேலும் இந்த பட்டியலில் ரஜினியின் எந்திரன் மற்றும் கபாலி ஆகிய படங்கள் 21 மற்றும் 22வது இடத்தில் இருக்கும் நிலையில் 'மெர்சல் திரைப்படம் 25வது இடத்தில் உள்ளது.