தளபதியின் 'மெர்சலுக்கு புகழாரம் சூட்டிய பிரமாண்ட இயக்குனர்
- IndiaGlitz, [Friday,October 06 2017]
இந்தியாவின் பிரமாண்ட இயக்குனர்களில் ஒருவராகிய எஸ்.எஸ்.ராஜமெளலி விஜய்யின் 'மெர்சல்' படம் மிகப்பெரிய வெற்றி அடையும் என்று வாழ்த்துக்கள் கூறி அந்த படத்திற்கு புகழாரம் சூட்டியுள்ளார்
'மெர்சல்' படத்தின் தெலுங்கு பதிப்பான 'அடிரிந்தி' படத்தின் டீசர் சமீபத்தில் வெளியாகி நல்ல வரவேற்பு பெற்ற நிலையில் இந்த படம் குறித்து எஸ்.எஸ்.ராஜமெளலி தனது கருத்தை வீடியோ செய்தி ஒன்றின் மூலம் தெரிவித்துள்ளார். அதில் தேனாண்டாள் நிறுவனத்தின் 100வது படமான 'மெர்சல்' படத்தில் ஏ.ஆர்.ரஹ்மான், விஜய் என இரண்டு மேதைகளின் 25வது ஆண்டு படமாக அமைந்துள்ளது. அட்லியின் இயக்கத்தில் உருவாகியுள்ள இந்த படம் நிச்சயம் சூப்பர் ஹிட் ஆகும் என்று எதிர்பார்க்கின்றேன். படக்குழுவினர்களுக்கு வாழ்த்துக்கள் என்று கூறியுள்ளார்
இந்த படத்திற்கு எஸ்.எஸ்.ராஜமெளலியின் தந்தையும் பாகுபலி படங்களின் எழுத்தாளருமான விஜயேந்திர பிரசாத் அவர்கள் தான் திரைக்கதை அமைத்துள்ளார் என்பது குறிப்பிடத்தக்கது.