தளபதி விஜய் நடித்த 'மெர்சல்' திரைப்படம் கடந்த தீபாவளி அன்று வெளியாகி உலகம் முழுவதும் சூப்பர் ஹிட் ஆகி வசூல் அளவிலும் மிகச்சிறந்த வெற்றியை பெற்றது என்பது தெரிந்ததே

இந்த நிலையில் நேற்று சென்னையில் நடந்த விஜய் விருதுகள் வழங்கும் விழாவில் இந்த படத்திற்கு 4 விருதுகள் கிடைத்தது. சிறந்த படம் என்ற விருதை பெற்ற மெர்சல் அதன் பின்னர் சிறந்த வில்லன் விருது எஸ்.ஜே.சூர்யாவுக்கும், ஃபேவரேட் இயக்குனர் விருது அட்லிக்கும், சிறந்த பாடலாக 'ஆளப்போறான் தமிழன்' பாடலுக்கும் கிடைத்துள்ளது.

இருப்பினும் இந்த படத்தில் மூன்று வேடங்களில் சிறப்பாக நடித்த விஜய்க்கு சிறந்த நடிகர் விருது கிடைக்கும் என்று எதிர்பார்க்கப்பட்டது. ஆனால் இந்த விருது 'விக்ரம் வேதா' படத்தில் நடித்த விஜய்சேதுபதிக்கு கிடைத்துள்ளது என்பது குறிப்பிடத்தக்கது. அதேபோல் சிறந்த நடிகை விருது 'அறம்' படத்தில் நடித்த நயன்தாராவுக்குm சிறந்த இசையமைப்பாளர் என்ற விருது ஏ.ஆர்.ரஹ்மானுக்கு 'காற்று வெளியிடை' படத்திற்கும் கிடைத்தது என்பது குறிப்பிடத்தக்கது.