தளபதி விஜய் நடித்த 'மெர்சல்' திரைப்படம் கடந்த தீபாவளி அன்று வெளியாகி ரசிகர்களிடம் மிகப்பெரிய வரவேற்பையும், ஒருசில அரசியல்வாதிகளின் பலத்த எதிர்ப்பையும் பெற்றது. இந்த படத்தின் வசூல் பல சாதனைகளை நிகழ்த்திய நிலையில் தற்போது இந்த படத்தின் மொத்த வசூல் குறித்த தகவலை பார்ப்போம்

மெர்சல் திரைப்படம் உலக அளவில் ரூ.247 கோடி வசூல் செய்துள்ளது. தமிழகத்தில் மட்டுமே ரூ.120 கோடி வசூல் செய்துள்ளது. 'பாகுபலி 2' படத்தை அடுத்து அதிக  வசூல் செய்த படம் இதுதான் என்பது குறிப்பிடத்தக்கது.

சென்னையில் ரூ.12.85 கோடியும், செங்கல்பட்டு பகுதியில் ரூ.22 கோடியும், கோவையில் ரூ.20 கோடியும், மதுரையில் ரூ.21 கோடியும், நெல்லை-குமரியில் ரூ.8 கோடியும் வசூல் செய்துள்ளது. இந்த ஆண்டின் மிகப்பெரிய பிளாக்பஸ்டர் திரைப்படம் என்ற பெருமையையும் 'மெர்சல்' பெற்றுள்ளது என்பது குறிப்பிடத்தக்கது