மெர்சல்' படத்தின் மெர்சலான ஒப்பனிங் வசூல்
- IndiaGlitz, [Monday,October 23 2017]
தளபதி விஜய் நடித்த படங்கள் என்றாலே அந்த படம் எந்த ரிசல்ட்டை பெற்றாலும் மாஸ் ஓப்பனிங் தவறாது என்பது அனைவரும் அறிந்ததே. அந்த வகையில் பாசிட்டிவ் விமர்சனங்கள் பெற்ற 'மெர்சல்' படத்தின் ஓப்பனிங் வசூல் மெர்சலாக இருந்தது என்பதை சொல்லவே தேவையில்லை
கடந்த தீபாவளி அன்று வெளியான இந்த படம் அக்டோபர் 18ல் இருந்து நேற்று வரை அதாவது அக்டோபர் 22 வரை சென்னையில் ரூ.6,83,68,108 வசூல் செய்து பாக்ஸ் ஆபீஸை திகைக்க வைத்துள்ளது. திரையரங்குகளில் 98% வரை ரசிகர்கள் இருந்ததே இந்த படத்தின் அட்டகாசமான ஒப்பனிங் வசூலுக்கு சான்றாக உள்ளது. அட்டகாசமான ஓப்பனிங் வசூலுக்கு உதவி செய்த அரசியல்வாதிகளுக்கு அனைவரும் நன்றி சொல்ல விஜய் ரசிகர்கள் கடமைப்பட்டுள்ளனர்.
மேலும் இந்த படம் கடந்த வார இறுதி நாட்களில் சென்னையில் 18 திரையரங்குகளில் 689 காட்சிகள் திரையிடப்பட்டு ரூ.3,84,11,609 வசூல் செய்துள்ளது என்பது குறிப்பிடத்தக்கது.