தளபதி விஜய்யின் படங்களுக்கு தமிழகத்தில் மட்டுமின்றி கேரளாவிலும், தெலுங்கு மாநிலங்களான ஆந்திரா, தெலுங்கானாவிலும் நல்ல பிசினஸ் கிடைக்கும் என்பது தெரிந்ததே

இந்த நிலையில் நேற்று டீசர் வெளியாகி உலக சாதனை செய்த 'மெர்சல்' திரைப்படம் தெலுங்கு மாநில பிசினஸில் செய்த சாதனை திரையுலகினர்களை வியக்க வைத்துள்ளது.

இந்த படத்தின் தெலுங்கு ரிலீஸ் உரிமை, தெலுங்கு சூப்பர் ஸ்டார்களின் படங்களுக்கு இணையாக மிகப்பெரிய தொகைக்கு பிசினஸ் ஆகியிருப்பதாக செய்திகள் வெளிவந்துள்ளது. அதிலும் பவர்ஸ்டார் பவன்கல்யாண் படங்களை வெளியிடும் முன்னணி விநியோகிஸ்தர் ஒருவர் இந்த படத்தின் ரிலீஸ் உரிமையை பெற்றிருப்பதாக தகவல் வெளிவந்தூள்ளது.

தமிழ், தெலுங்கு என இரண்டு மொழிகளிலும் ஒரே நாளில் வெளியிட தயாரிப்பு நிறுவனம் திட்டமிட்டுள்ளதால் இந்த படத்தின் ஓப்பனிங் வசூல் புதிய சாதனையை செய்தாலும் ஆச்சரியப்படுவதற்கில்லை என்று கூறப்படுகிறது.