தளபதி விஜய்யின் 'மெர்சல்' படத்தின் இசை வெளியீட்டு விழா தற்போது சென்னையில் நடந்து வருகிறது. இந்த படத்தில் ஜல்லிக்கட்டு காட்சிகளும் உண்டு என்ற தகவல் ஏற்கனவே வெளியாகியுள்ள நிலையில் சற்றுமுன் ஜல்லிக்கட்டு போராட்டத்தில் நடந்த ஒலி-ஒளி காட்சி மெர்சல் இசை வெளியீட்டு விழா அரங்கத்திலும் நடைபெற்றது.

மாணவர்களின் மெரினா ஜல்லிக்கட்டின்போது செல்போன் டார்ச் லைட்டால் லட்சக்கணக்கான ஒளிக்கதிர்களின் கண்கொள்ளா காட்சி நடந்தது அனைவரும் அறிந்ததே. இந்த நிலையில் இன்றைய மெர்சல் படத்தின் இசை வெளியீட்டு விழாவில் அதேபோன்ற செல்போன் ஒளிக்காட்சி விஜய் ரசிகர்களால் நடைபெற்றது. அதுமட்டுமின்றி விஜய் ரசிகர்களின் கரகோஷ ஒலி விண்ணை பிளக்க வைக்கும் வகையில் இருந்தது.

தமிழகத்தில் ஜல்லிக்கட்டு போராட்டம் சாதனை வெற்றி பெற்றது போல் 'மெர்சல்' படமும் நிச்சயம் வெற்றி மகுடம் சூட்டும் என்று எதிர்பார்க்கப்படுகிறது.