అ ఆ లో రెడ్డి కట్..
- IndiaGlitz, [Friday,June 17 2016]
మాట‌ల మాంత్రికుడు త్రివిక్ర‌మ్ శ్రీనివాస్ తెర‌కెక్కించిన తాజా చిత్రం అ ఆ. నితిన్, స‌మంత జంట‌గా నటించిన అ ఆ చిత్రం రొమాంటిక్ ఫ్యామిలీ ఎంట‌ర్ టైన‌ర్ గా అన్నివ‌ర్గాల ప్రేక్ష‌కుల‌ను ఆక‌ట్టుకుంటూ విజ‌య‌వంతంగా ప్ర‌ద‌ర్శింప‌బ‌డుతోంది. అయితే...అ ఆ సినిమాలో ష‌క‌ల‌క శంక‌ర్ దొంగ పాత్ర పోషించారు. అత‌ని పేరు రెడ్డి.
అలాగే బంజారా హిల్స్ లో మా బావ బాల్ రెడ్డి ఉంటాడు. అత‌ను కూడా దొంగే అని చెబుతాడు. అలాగే ఓ స‌న్నివేశంలో హీరో నితిన్ సిస్ట‌ర్ గ‌ట్టిగా రెడ్డీ...అని పిలుస్తుంది. ఇలా..ప‌ల్లెటూరులో, ప‌ట్నంలో దొంగ క్యారెక్ట‌ర్ కి రెడ్డి అని పేరు పెట్ట‌డం పై రెడ్డి కుల‌స్థులు అభ్యంతరం వ్య‌క్తం చేసారు. రెడ్డి జ‌న సంఘం త‌మ అభ్యంత‌రాన్ని తెలంగాణ రాష్ట్ర హోంమంత్రి నాయిని న‌రసింహారెడ్డి కి తెలియ‌చేసార‌ట. నాయిని జోక్యంతో అ ఆ సినిమాలో మేక‌ర్స్ రెడ్డి అనే ప‌దాన్ని మ్యూట్ చేసార‌ట. దొంగ క్యారెక్ట‌ర్ కి కులం పేరు పెడితే...ఆ కుల‌స్థులు అభ్యంతరం వ్య‌క్తం చేస్తార‌ని...వాళ్లు త‌న‌ని ద్వేషిస్తార‌ని ఆలోచించ‌లేదా...? అస‌లు ఈ లాజిక్ ఎలా మిస్ అయ్యాడో త్రివిక్ర‌మ్..?