మార్చి 18న వస్తున్న 'మేము'
- IndiaGlitz, [Tuesday,March 01 2016]
ఈ సందర్భంగా జూలకంటి మధుసూదన్ రెడ్డి మాట్లాడుతూ... "సూపర్ స్టార్ సూర్య, స్టూడియో గ్రీన్ జ్ఞాన్ వేల్ రాజాల సంయుక్త సమర్పణలో "మేము" చిత్రాన్ని తెలుగు ప్రేక్షకులకు అందిస్తున్నందుకు చాలా గర్వంగా ఉంది. ప్రతి తల్లి తండ్రి తమ పిల్లలతో కలిసి కచ్చితంగా చూసి తీరాల్సిన సినిమా "పసంగ 2" అని తమిళ మీడియాతో పాటు ఇంగ్లీష్ మీడియా సైతం తీర్మానించిన గొప్ప సినిమా ఇది. ఈ సినిమాకి వచ్చినన్ని మంచి రివ్యూలు, రేటింగ్స్ ఈ మధ్య కాలంలో మరే సినిమాకు రాలేదు. తమిళంలో ఈ చిత్రాన్ని సూర్య నిర్మించారు. వరుస విజయాలతో తమిళంలో సంచలన దర్శకుడిగా పేరొందిన పాండిరాజ్ "మేము" చిత్రంతో తన ప్రతిభాపాటవాలను మరోసారి అత్యంత ఘనంగా నిరూపించుకున్నారు. మార్చి18న ఈ చిత్రాన్ని అత్యధిక దియేటర్స్ లో విడుదల చేసేందుకు సన్నాహాలు చేస్తున్నాం. తెలుగులోనూ ఈ చిత్రం ఘన విజయం సాధిస్తుందనే నమ్మకం మాకుంది" అన్నారు.