உலகம் முழுவதும் கொரோனா வைரஸ் மிக வேகமாக பரவி வருகிறது என்பதும் கொரோனாவுக்கு பிரபலங்கள் பலரும் பாதிக்கப்பட்டு வருகின்றனர் என்பது குறித்தும் அவ்வப்போது பார்த்து வருகிறோம்.

இந்த நிலையில் ஆஸ்கர் விருதுபெற்ற பிரபல ஹாலிவுட் நடிகர் மெல் கிப்சன் அவர்களுக்கு கொரோனா பாதிப்பு ஏற்பட்டு அதன் பின்னர் குணமாகி வீடு திரும்பியதாக தகவல்கள் வெளிவந்துள்ளது.

இதுகுறித்து மெல் கிப்சன் தரப்பினர் இருந்து தெரிவித்தபோது நடிகர், இயக்குனர் மெல் கிப்சன் அவர்கள் கடந்த ஏப்ரல் மாதம் கொரோனாவால் பாதிக்கப்பட்டதாகவும் அதன் பின்னர் அவருக்கு அளிக்கப்பட்ட உயர்தர சிகிச்சையின் அடிப்படையில் அவர் குணமாகி வீடு திரும்பியதாகவும் தெரிவித்துள்ளனர்.

64 வயதான மெல் கிப்சன், பிரேவ் ஹார்ட், அப்போக்கலிப்டோ உள்ளிட்ட பல படங்களை நடித்தும், இயக்கியும், தயாரித்தும் உள்ளார் என்பது குறிப்பிடத்தக்கது. பிரேவ் ஹார்ட் படத்திற்காக அவருக்கு சிறந்த நடிகர் மற்றும் இயக்குனருக்கான ஆஸ்கர் விருது கிடைத்தது என்பது குறிப்பிடத்தக்கது.