గురు చిత్రం త‌రువాత విక్ట‌రీ వెంక‌టేష్ కొత్త చిత్ర‌మేదీ ప‌ట్టాలెక్క‌లేదు. నేనే రాజు నేనే మంత్రితో స‌క్సెస్ అందుకున్న ద‌ర్శ‌కుడు తేజ‌తో వెంకీ త‌న త‌దుప‌రి చిత్రాన్ని చేయ‌నున్నార‌ని గ‌త కొంత కాలంగా వార్త‌లు వినిపిస్తున్నాయి.

త్వ‌ర‌లోనే సెట్స్ పైకి వెళ్లే ఈ సినిమాకి సంబంధించిన ఓ ఆస‌క్తిక‌ర‌మైన వార్త వినిపిస్తోంది. అదేమిటంటే.. ఈ చిత్రంలో వెంకీ కి జోడీగా మెహ‌రీన్ న‌టించ‌నుంద‌ట‌. కృష్ణ‌గాడి వీర‌ప్రేమ‌గాథ‌, మ‌హానుభావుడు, రాజా ది గ్రేట్ చిత్రాల‌తో వ‌రుస‌గా మూడు విజ‌యాలు అందుకుని ప‌రిశ్ర‌మ దృష్టిలో ప‌డింది మెహ‌రీన్‌. ఆమె హీరోయిన్‌గా న‌టించిన జ‌వాన్‌, c/o సూర్య చిత్రాలు విడుద‌ల‌కి సిద్ధ‌మ‌య్యాయి.

ఇప్పుడు వెంకీ, తేజ చిత్రంలో న‌టించే అవ‌కాశం రావ‌డం చూస్తుంటే.. మెహ‌రీన్ స్టార్ హీరోయిన్ అవ‌డానికి ఇంకెంతో స‌మ‌యం ప‌ట్టేలా లేదు. అన్న‌ట్టు.. ఇదే పాత్ర‌కి మొద‌ట అనుష్క‌ని కూడా అనుకున్నార‌ని.. అయితే అది వ‌ర్క‌వుట్ కాలేద‌ని తెలిసింది. ఏదేమైనా.. ఈ ఆఫ‌ర్ ఓకే అయితే మెహ‌రీన్ ల‌క్కీ గ‌ర్ల్‌నే.