మెహరీన్.. ఈ ఏడాది కూడా అలాగే
- IndiaGlitz, [Thursday,May 03 2018]
‘కృష్ణగాడి వీరప్రేమగాథ’ (2016) చిత్రంతో టాలీవుడ్‌కు పరిచయమైన మెహరీన్.. గత ఏడాది (2017) ద్వితీయార్ధంలో వరుసగా నాలుగు నెల‌ల‌పాటు త‌న సినిమాలతో సందడి చేసి వార్త‌ల్లో నిలిచింది. శర్వానంద్‌కు జంటగా నటించిన ‘మహానుభావుడు’ చిత్రం సెప్టెంబర్‌లో విడుదల కాగా.. రవితేజతో కలిసి నటించిన ‘రాజా ది గ్రేట్’ సినిమా అక్టోబర్‌లో రిలీజ్ అయింది. ఇక సందీప్ కిషన్ సరసన నటించిన బైలింగ్వల్ మూవీ ‘కేరాఫ్‌ సూర్య’ నవంబర్‌లో సందడి చేయగా.. మెగాహీరో సాయిధరమ్ తేజ్‌తో కలిసి ఆడిపాడిన ‘జవాన్’ డిసెంబర్‌లో ప్రేక్షకుల ముందుకు వచ్చింది. ఇలా గత ఏడాది సెప్టెంబర్ నుంచి డిసెంబర్ వరకు వరుసగా నాలుగు సినిమాలతో సందడి చేసింది మెహరీన్ .
గత ఏడాది లాగే ఈ సంవత్సరం ప్రథ‌మార్థంలో కూడా మోహ‌రీన్ నుంచి ఒక్క సినిమా కూడా రావ‌డం లేదు. కాని ద్వితీయార్ధంలో మాత్రం మూడు సినిమాలతో ప్రేక్షకుల ముందుకు రావడానికి సిద్ధంగా ఉంది. ఆ వివరాల్లోకి వెళితే.. గోపీచంద్ 25వ చిత్రం ‘పంతం’లో మెహరీన్ సోలో హీరోయిన్‌గా నటిస్తుండగా.. ఆ సినిమా జూలై 5న విడుదలకు సిద్ధంగా ఉంది. అలాగే.. మెగాప్రిన్స్ వరుణ్ తేజ్‌తో ‘ఎఫ్-2’ మూవీలో నాయికగా నటిస్తూనే.. మరోవైపు విజయ్ దేవరకొండ సరసన బైలింగ్వల్ మూవీ ‘నోటా’లో నటిస్తోంది. ఈ రెండు సినిమాలు కూడా ఈ ఏడాది ద్వితీయార్ధంలో విడుదల కానున్నాయి. ఇవే కాకుండా.. నితిన్‌కు జంటగా వెంకీ కుడుముల డైరెక్షన్‌లో తెరకెక్కబోయే ఓ సినిమాలో కూడా మెహరీన్ హీరోయిన్‌గా ఎంపికైనట్టు సమాచారం.